Եվրոպական Միության թռիչքների անվտանգության գործակալությունը (EASA) նախազգուշացում է հրապարակել ավիաընկերությունների համար՝ Սաուդյան Արաբիայի վրայով թռիչքների ռիսկերի առնչությամբ՝ Եմենի հութիների վերջին ակտիվացած հարձակումների հետնապատկերին, հաղորդում է Reuters-ը։
EASA-ի կայքում հրապարակված տեղեկագրում գործակալությունը հայտարարել է, որ կշարունակի հետևել իրավիճակին՝ գնահատելու համար սպառնալիքի մակարդակի հնարավոր փոփոխությունը Եվրամիության այն ավիաընկերությունների համար, որոնք թռիչքներ են իրականացնում Սաուդյան Արաբիայի օդային տարածքում։
Միաժամանակ նոր նախազգուշացման մեջ չի հիշատակվում այսօրվա միջադեպը Flydubai-ի ինքնաթիռի հետ, որը ստիպված էր փոխել երթուղին և վայրէջք կատարել Սաուդյան Արաբիայում։
Առանձին EASA-ն միաժամանակ խստացրել է Հորդանանի օդային տարածքի վերաբերյալ առաջարկությունները։ Այժմ գործակալությունը ավիաընկերություններին խորհուրդ է տալիս չիրականացնել թռիչքներ Հորդանանի վրայով՝ ցանկացած բարձրության և էշելոնի դեպքում։
Ավելի վաղ EASA-ն փոխադրողներին խորհուրդ էր տալիս միայն զգուշավորություն ցուցաբերել Հորդանանի վրայով թռիչքների ժամանակ։ Փոփոխությունը կապված է Մերձավոր Արևելքում իրավիճակի սրման ֆոնին քաղաքացիական ավիացիայի համար ընթացիկ ռիսկերի գնահատման հետ։