Ռուսաստանի նախագահ Վլադիմիր Պուտինը և Հայաստանի վարչապետ Նիկոլ Փաշինյանը Մոսկվայում կքննարկեն երկու երկրների միջև հարաբերությունները և հանրաքվեն, մասնավորապես՝ Հայաստանի կողմնորոշումը դեպի ԵՄ կամ Եվրասիական տնտեսական միություն: Այս մասին լրագրողներին հայտարարել է Ռուսաստանի նախագահի մամուլի քարտուղար Դմիտրի Պեսկովը:
«Պետությունների ղեկավարները հնարավորություն կունենան կրկին բոլոր տեսանկյուններից քննարկել մեր ներկայիս երկկողմ հարաբերությունների հիմնական թեման: Այս թեման, ի վերջո, Հայաստանի զարգացման ուղղության ընտրությունն է, նրա կողմնորոշումը և հանրաքվեի անցկացումը», – ասել է նա:
Ավելի վաղ Պեսկովը հայտարարել էր, որ Փաշինյանի այցը Ռուսաստան կարող է տեղի ունենալ մոտ ապագայում, սակայն ճշգրիտ ամսաթվերը դեռևս որոշված չեն: «Մոտ ապագայում: Դեռևս ճշգրիտ ամսաթվեր չկան», – ասել է նա՝ մանրամասնելով, որ Հայաստանի վարչապետի այցը կկայանա այս տարի: