ԱՄՆ պաշտպանության նախարար Փիթ Հեգսեթն իր մտերիմների շրջապատում հայտարարել է, որ ցամաքային զորքերի նախարարի պաշտոնում իր հիմնական թեկնածուն Շոն Փարնելն է։ Այս մասին հայտնում է CBS News-ը՝ վկայակոչելով բարձրաստիճան պաշտոնյաների։
Այժմ Փարնելը զբաղեցնում է Պենտագոնի գլխավոր մամուլի քարտուղարի պաշտոնը, իսկ նախկինում ծառայել է որպես ԱՄՆ ցամաքային զորքերի սպա։
Ռազմական գերատեսչության ներկայացուցիչը հայտարարել է, որ «պատերազմի նախարարությունը չի մեկնաբանում վարչակազմի պաշտոնատար անձանց միջև մասնավոր զրույցները»։
Սպիտակ տունն այժմ թեկնածուներ է փնտրում բանակի նախարար Դեն Դրիսքոլին փոխարինելու համար, քանի որ վերջինս հրաժարական է տվել Հեգսեթի հետ ամիսներ տևած լարված հարաբերություններից հետո։ Հաջորդին ընտրելու գործընթացը ղեկավարում է Սպիտակ տան աշխատակազմի ղեկավար Սյուզի Ուայլսը։