Հայդի Քլումը ակնհայտորեն չի պատրաստվում իր առավոտը ձանձրալի սկսել։ 53-ամյա սուպերմոդելը Ինստագրամում հրապարակել է բացահայտող լուսանկար, որտեղ նա կեցվածք է ընդունել իր մուտքի մոտ՝ կիսաթափանցիկ վարդագույն ներքնազգեստով։
Քլումը հրաժարվել է կրծկալից՝ ուսերին փաթաթելով միայն բարակ մետաքսե շարֆ։ Նա կերպարը լրացրել է իտալական Intimissimi ապրանքանիշի նուրբ վարդագույն ժանյակավոր ներքնազգեստով, որի հետ նա համագործակցում է մի քանի տարի։
Մոդելը լուսանկարը մակագրել է պարզապես. «M☀️RNING»՝ ավելացնելով մի քանի էմոջիներ՝ արևի, արմավենիների և ծովի պատկերներով։
Հետևյալ լուսանկարներից դատելով՝ Քլումն այժմ հանգստանում է ամուսնու՝ Թոմ Կաուլիցի հետ։ Իր Stories-ում մոդելը ցուցադրել է արմավենիներ, անձնական լողավազան և առավոտյան նախաճաշ, ինչպես նաև կիսվել է իր սովորական գեղեցկության ռեժիմով։
Քլումը վերջերս բացահայտ խոսել է այն մասին, թե ինչպես է իր վերաբերմունքը սեփական կազմվածքի նկատմամբ փոխվել տարիքի հետ։ Մոդելի խոսքով՝ հենց իր ամուսինն էր, որը մի անգամ խորհուրդ էր տվել իրեն չձգտել հնարավորինս նիհար լինել։
«Տարիքի հետ մենք ավելի լավ տեսք ունենք, երբ այդքան էլ նիհար չենք», – ասել է նա՝ հավելելով, որ Կաուլիցն իրեն ասել է. «Դու պետք է ավելի շատ ուտես. ավելի լավ տեսք կունենաս, եթե ոսկորներիդ վրա ավելի շատ միս լինի»։
Քլումը խոստովանել է, որ այս խորհուրդը շատ տարբեր էր այն ամենից, ինչ նա տարիներ շարունակ լսել էր մոդելային ոլորտում, որտեղ կանանց վրա անընդհատ ճնշում էին գործադրում քաշը նվազեցնելու համար: Հիմա նա ասում է, որ իրեն ավելի շատ է դուր գալիս իր սեփական կազմվածքը: Սուպերմոդելը նաև նշել է, որ ինքը չի հետաքրքրվում GLP-1 քաշի կորստի դեղամիջոցներով և չի պլանավորում դրանք օգտագործել: