Կրթության, գիտության, մշակույթի և սպորտի նախարարի տեղակալ Արաքսիա Սվաջյանը ներկայացրել է Հայաստանի բարձրագույն ուսումնական հաստատությունների գրավչության ցուցանիշները՝ հենվելով միասնական քննությունների արդյունքների վրա։
«Արմենպրես»-ի փոխանցմամբ՝ ինչպես հայտնում է ՀՀ ԿԳՄՍ նախարարությունը, նախարարի տեղակալն այդ մասին ասել է հանրակրթական դպրոցների տնօրենների և վարչատնտեսական համակարգողների, նախադպրոցական ու արտադպրոցական հաստատությունների տնօրենների, ինչպես նաև տարածքային մանկավարժահոգեբանական աջակցության կենտրոնների ղեկավարների մասնակցությամբ օգոստոսյան խորհրդակցությունների մեկնարկային հանդիպման ժամանակ։
Միասնական քննությունների արդյունքներին անդրադառնալով՝ ԿԳՄՍ նախարարի տեղակալ Արաքսիա Սվաջյանը ներկայացրել է նաև բուհերի գրավչության ցուցանիշները։
Դիմումների թվով առաջին տեղում Երևանի պետական համալսարանն է, երկրորդում՝ Հայաստանի պետական տնտեսագիտական համալսարանը, երրորդում՝ Հայաստանի ազգային պոլիտեխնիկական համալսարանը։