2026 թվականի հուլիսին Հայաստանում տարեկան գնաճը (2025 թվականի հուլիսի համեմատ) կազմել է 4.5%: Այս մասին են վկայում ՀՀ վիճակագրական կոմիտեի տվյալները։
Ցուցանիշը մոտ է մնում վերջին ամիսների մակարդակին. ապրիլին գնաճը կազմել է 5.3%, մայիսին՝ 4.2%, հունիսին՝ 5.1%:
Sputnik Արմենիայի փոխանցմամբ՝ հունիսի համեմատ էժանացել են միրգն ու բանջարեղենը: Սա, հավանաբար, պայմանավորված է Ռուսաստան որոշակի ապրանքների արտահանման սահմանափակումների ֆոնին ներքին շուկայում առաջացած առաջարկի ավելցուկով։
Սպառողական գների փոփոխությունը Հայաստանում, © Sputnik / Zara Mika
Միևնույն ժամանակ, մսի և կաթնամթերքի գները շարունակում են զգալիորեն թանկ լինել նախորդ տարվա նույն ժամանակահատվածի համեմատ:
Պատճառներից մեկը Հայաստանում խոշոր եղջերավոր անասունների գլխաքանակի կրճատումն է:
Մայիսին գների կտրուկ աճից և հունիսին անկումից հետո հեղուկ գազի գինը հուլիսին գրեթե անփոփոխ է մնացել։ Միևնույն ժամանակ տարեկան կտրվածքով այն շարունակում է մոտ 45%-ով բարձր մնալ 2025 թվականի հուլիսի համեմատ։ Բենզինի և դիզելային վառելիքի գները նույն ժամանակահատվածի համեմատ աճել են համապատասխանաբար 7.4%-ով և 14.3%-ով։