Թրամփի վարչակազմն այս տարի ավելի քան 13 միլիարդ դոլարի եկամուտ է ստացել վենեսուելական նավթի վաճառքից, սակայն գրեթե որևէ հանրային պարզաբանում չի տրամադրել այդ միջոցների վերջնական նպատակի կամ օգտագործման վերաբերյալ, հայտնում է «Financial Times»-ը։
Վենեսուելայի կառավարությունը ստեղծել է կայք, որն օգնում է հետևել ԱՄՆ-ի կողմից կարգավորվող նավթի վաճառքից ստացված եկամուտներին, սակայն այս պահին կայքում առկա է ընդամենը մեկ գրանցում՝ մարտին իրականացված 300 միլիոն դոլարի փոխանցումը։
ԱՄՆ-ն իր վերահսկողության տակ է վերցրել Վենեսուելայի նավթի արտահանումը և Նիկոլաս Մադուրոյին տապալելուց ու փոխնախագահ Դելսի Ռոդրիգեսի նշանակումից հետո կասեցրել որոշ պատժամիջոցներ։
Այնուամենայնիվ, այս միջոցներն ԱՄՆ վերահսկողության տակ անցնելուց վեց ամիս անց էլ, ըստ տնտեսագետների, Վենեսուելայում տնտեսական վերականգնման նշանները համեմատաբար թույլ են մնում։
Միջոցների վերադարձի բացակայությունը դիտարկվում է որպես հնարավոր ազդանշան առ այն, որ Վաշինգտոնը Կարակասին չի վերադարձնում եկամուտների ամբողջ գումարը։
Երկու քաղաքական կուսակցությունների օրենսդիներն սկսել են ճնշում գործադրել վարչակազմի վրա, որպեսզի վերջինս պարզաբանի, թե ուր են գնացել փողերը, և ինչ միջոցներ են ձեռնարկվում դրանց բաշխման ընթացքում կոռուպցիան կանխելու համար։