43-ամյա Էնն Հեթուեյը հիացրել է երկրպագուներին նոր զգայական ֆոտոշարքով և Elle ամսագրի համար անկեղծ հարցազրույցով։
Դերասանուհին մասնակցել է մթնոլորտային, ջրային թեմատիկայով լուսանկարահանմանը՝ Elle UK-ի հետ զրույցում դեմքի լիֆթինգի մասին լուրերին անդրադառնալուց կարճ ժամանակ անց։ Հեթուեյը զարդարել է 2026 թվականի ամառային համարի՝ «Էպիկական. Ոդիսականի կանայք» թողարկման շապիկը, ինչպես նաև նկարահանվել է Elle-ի «Մեր կյանքի հագուստը» պաշտամունքային տեսաշարքում, որտեղ նա հիշել է տարիների ընթացքում իր ամենանշանավոր նորաձև կերպարները։
Գրավիչ շապիկը նկարահանել է կանադացի լուսանկարիչ Նորման Ջին Ռոյը։ Գլխավոր կադրում Հեթուեյը անձրևի տակ կեցվածք է ընդունել Fendi-ի պարզ բոդիով, որը լրացված է Bulgari-ի հաստ ապարանջանով, ականջօղերով և մատանիով։ Լուսանկարահանման համար դերասանուհին կրել է դրամատիկ դիմահարդարում՝ կապույտ ծխագույն աչքերով, իսկ նրա երկար մուգ մազերը խոնավ թելերով թափված էին ուսերին։
Լուսանկարահանումն իսկապես կինեմատոգրաֆիկ և համարձակ էր։ Կադրերից մեկում, որը թույլ է տալիս տեսնել ստուդիայի ետնաբեմը, թվում է, թե Հեթուեյը մերկ է, բայց իրականում նա կրում է C’est Jeanne-ի մերկ բոդի։
Դերասանուհին նրբագեղորեն կեցվածք է ընդումում լողավազանում՝ կրելով Saint Laurent-ի (Anthony Vaccarello) կիսաթափանցիկ կանաչ զգեստը՝ կրծքավանդակին ծալքերով, իսկ մեկ այլ կադրում նա ջրի մեջ է՝ ձեռքերը դեպի երկինք բարձրացնելով, հագին՝ Giorgio Armani-ի մուգ կապույտ բոդի։
Աստղը հագել էր Stella McCartney-ի փիրուզագույն ծղոտե զգեստը, որը դրամատիկ կերպով իջեցվել էր մեկ ուսից, և լուսանկարվել է ջրվեժի տակ՝ Tom Ford-ի թրջող ակվամարինե կիսաշրջազգեստով։
Նա նաև լուսանկարվել է բաց կանաչ Mugler զգեստով, որի գլխավոր առանձնահատկությունը Celia Kritharioti-ի երկար կանաչ փետուրներից պատրաստված հսկայական գլխազարդն էր։
Էնն Հեթուեյի նոր լուսանկարահանումը տեղի է ունեցել նրա՝ «հավերժական երիտասարդության» մասին բուռն առցանց ենթադրությունների ֆոնին։ Անթերի արտաքինի պատճառով երկրպագուները վաղուց կասկածում էին նրան պլաստիկ վիրահատությունների մեջ, ինչը «Ոդիսականը» ֆիլմի աստղին դրդել է վերջերս տված հարցազրույցում ճշգրտել իրավիճակը։
«Մենք ապրում ենք մի ժամանակ, երբ մարդիկ բացարձակապես վստահ են, որ իրենց ենթադրությունները փաստեր են։ Իմ առաջնահերթությունն է ոչինչ չմեկնաբանել, մնալ առեղծված և խուսափել ավելորդ ուշադրություն գրավելուց։ Սակայն այս լուրերն այնքան տարածված են դարձել, որ ես սկսում եմ զգալ պարզապես ճշմարտությունն ասելու անհրաժեշտությունը։
Մարդիկ խոսում են լուրջ բժշկական միջամտությունների մասին, կարծես դրանք ոչինչ չլինեին։ Ես ուզում էի ցույց տալ. «Ո՛չ, ես վիրահատության չեմ ենթարկվել։ Դա ընդամենը երկու հյուս է։ Այնուամենայնիվ, ես չէի բացառի մի օր դեմքի լիֆթինգի հնարավորությունը»,-նշել է դերասանուհին։