Լոնդոնը և Փարիզը այս շաբաթ բանակցություններ կանցկացնեն 30 երկրների ռազմական ներկայացուցիչների մասնակցությամբ՝ Հորմուզի նեղուցի ապաարգելափակման համար կոալիցիա կազմելու նպատակով, AFP-ին հայտնել է Մեծ Բրիտանիայի պաշտպանության նախարարության խոսնակը: Ավելի վաղ հաղորդվել էր, որ Թեհրանը սկսել է նավերից վճար գանձել այդ ռազմավարական կարևոր ջրային ուղով անվտանգ անցման համար։
Անցյալ շաբաթ, Սպիտակ տան ճնշման ներքո, Մեծ Բրիտանիան, Ֆրանսիան, Գերմանիան, Իտալիան, Ճապոնիան և Նիդեռլանդները հայտարարեցին իրենց պատրաստակամության մասին «նպաստել Հորմուզի նեղուցով անվտանգ անցումն ապահովելու ջանքերին»: Այդ հայտարարությունը հետագայում աջակցեցին ևս 24 երկրներ: «Այս շաբաթ պաշտպանության նախարարությունների միջև սպասվում է ևս մեկ հանդիպում, որին կմասնակցեն ընդլայնված խմբի պաշտպանության շտաբների պետերը, որն արդեն նախնական համաձայնագիր է ստորագրել»,- ասել է բրիտանացի պաշտոնյան։
Կիրակի օրը Մեծ Բրիտանիայի զինված ուժերի պաշտպանության շտաբի պետ Ռիչարդ Նայթոնը նախագահել է համաձայնագրի առաջին փուլին մասնակցող վեց երկրների և Կանադայի հանդիպումը, գրում է The Times-ը: Ըստ պարբերականի՝ Լոնդոնն առաջարկել է գագաթնաժողովն անցկացնել Պորտսմութի կամ Լոնդոնի հարավային ռազմածովային նավահանգստում՝ մանրամասները վերջնականապես քննարկելու և կոալիցիա կազմելու համար, որպեսզի ջրային ճանապարհը կարողանա վերաբացվել «հենց որ նպաստավոր պայմաններ ստեղծվեն»։
30 երկրների ընդլայնված նիստում, հավանաբար, կքննարկվի, թե ինչպես վնասազերծել նեղուցը, որտեղով անցնում էր համաշխարհային նավթի մատակարարումների 20%-ը և հեղուկացված բնական գազի բեռների մինչև 30%-ը՝ մինչև փետրվարի 28-ին Իրանի դեմ պատերազմի սկսվելը։
Իրանը հայտարարել է, որ «ոչ թշնամական» երկրների նավերը կարող են տարանցիկ անցնել Հորմուզի նեղուցով, եթե պահպանեն անվտանգության կանոնները։ ՍԴա չի վերաբերում այն լցանավներին, որոնց «սարքավորումները և ցանկացած բաժնետոմսերը» պատկանում են ԱՄՆ-ին և Իսրայելին, ինչպես նաև «ագրեսիայի» այլ մասնակիցներին, ասվում է հայտարարության մեջ։