Ֆրանսիան օգնություն չի ցուցաբերի Իրանի դեմ իրականացվող հարձակողական գործողություններին, քանի որ Փարիզը չի սանկցիավորել այդ հակամարտությունը։ Այս մասին իսպանական El País թերթին տված հարցազրույցում հայտարարել է Ֆրանսիայի պաշտպանության նախարարին կից պատվիրակված նախարար Ալիս Ռյուֆոն։
Նախարարի պարզաբանմամբ՝ դաշնակիցները գործել են առանց Ֆրանսիայի հետ նախնական քննարկումների։
«Իսրայելացիներն ու ամերիկացիները մեզ հետ չեն խորհրդակցել և չեն բացատրել իրենց նպատակները։ Մենք օգնություն չենք ցուցաբերի հարձակողական գործողություններին, քանի որ չենք ընտրել և չենք սանկցիավորել այս պատերազմը»,- նշել է Ռյուֆոն։
Նա հավելել է, որ Ֆրանսիան բացասաբար է վերաբերվում այն ռազմական գործողություններին, որոնք այսօր ապակայունացնում են տարածաշրջանը։ Բացի այդ, Ռյուֆոն ընդգծել է, որ Փարիզը դեմ է Իսրայելի կողմից Լիբանանում լայնամասշտաբ ցամաքային գործողության իրականացմանը։