Քուվեյթը և Սաուդյան Արաբիան մեղադրել են Իրանին և նրա դաշնակիցներին իրենց տարածքներին հարվածներ հասցնելու մեջ՝ չնայած ժամանակավոր հրադադարին։
Քուվեյթի արտաքին գործերի նախարարությունը հայտարարել է, որ հինգշաբթի երեկոյան անօդաչու թռչող սարքերի հարձակումները «ուղղված են եղել Քուվեյթի որոշ կենսական նշանակության օբյեկտների», մինչդեռ Սաուդյան Արաբիայի պետական լրատվական գործակալությունը, հղում անելով անանուն աղբյուրի, հայտնել է, որ հարձակումների արդյունքում վնասվել են նաև թագավորության վառելիքաէներգետիկ համալիրի մի քանի օբյեկտներ։
«Մասնավորապես, հարձակումների են ենթարկվել Արևելք-Արևմուտք կենսական նշանակություն ունեցող խողովակաշարի պոմպակայանները, որի արդյունքում խողովակաշարով կորել է օրական մոտ 700,000 բարել հզորություն, որը այս ժամանակահատվածում համաշխարհային շուկաներ մատակարարման հիմնական ուղին է։ Հարձակումը ազդել է նաև Մանիֆայի վերամշակման գործարանի վրա՝ օրական մոտ 300,000 բարելով կրճատելով դրա արտադրական հզորությունը», – ասվում է հայտարարության մեջ։
Միևնույն ժամանակ, Իրանի Իսլամական հեղափոխության պահապանների կորպուսը (ԻՀՊԿ) կտրականապես հերքում է հարվածներին որևէ մասնակցություն։
«Իրանի Իսլամական Հանրապետության զինված ուժերը հրադադարի ժամերին որևէ հրթիռ չեն արձակել որևէ երկրի վրա», – ասվում է ԻՀՊԿ-ի հայտարարության մեջ, որը մեջբերել է Press TV-ն։
ԻՀՊԿ-ն հավելել է, որ հարվածները կարող են լինել ԱՄՆ-ի կամ Իսրայելի կողմից սադրանք։