Սաուդյան Արաբիան ճնշում է գործադրում Վաշինգտոնի վրա՝ ձգտելով հասնել Հորմուզի նեղուցի շրջափակման վերացմանը և Թեհրանի հետ բանակցությունների վերսկսմանը։ Այս մասին հայտնում է The Wall Street Journal-ը՝ հղում անելով արաբ պաշտոնյաներին։
Էր-Ռիադը զգուշացնում է, որ շրջափակումը կարող է հանգեցնել համաշխարհային նավագնացության երթուղիների ավելի լայնածավալ խաթարումների։ Մասնավորապես, մտավախություն կա, որ Իրանը կարող է հարված հասցնել Կարմիր ծովի Բաբ էլ-Մանդեբի նեղուցին, որը կենսական նշանակություն ունի սաուդյան նավթի արտահանման համար։
Իրանական նավահանգիստների շրջափակումն ուժի մեջ է մտել երկուշաբթի օրը՝ հանգստյան օրերին ձեռնարկված դիվանագիտական ջանքերի տապալումից հետո։ Սպիտակ տունը հայտարարել է, որ շարունակում է կապը Պարսից ծոցի դաշնակիցների հետ և կենտրոնացած է էներգակիրների անխափան տեղափոխումն ապահովելու վրա։