Օրինաստեղծ գործունեության կառավարական հանձնաժողովը հավանություն է տվել «ՌԴ-ում օտարերկրյա քաղաքացիների իրավական կարգավիճակի մասին» օրենքում առաջարկվող փոփոխություններին, որոնց համաձայն՝ Ռուսաստանում աշխատող օտարերկրացիները պարտավոր են երկիր ժամանած իրենց ընտանիքի անդամներին ապահովել կենսապահովման նվազագույնից ոչ ցածր մակարդակով։ Նոր նորմերի չպահպանումը կարող է հանգեցնել ժամանակավոր կացության թույլտվության կամ կացության կարգավիճակի չեղարկմանը։
«Հավանության է արժանացել»,- ասել է աղբյուրը՝ մեկնաբանելով օրինագիծը։
Ինչպես նշել է Ռուսաստանի իրավաբանների ասոցիացիայի վարչության նախագահ Վլադիմիր Գրուզդևը, առաջարկվող փոփոխությունները արդյունավետ գործիք կդառնան ստվերային զբաղվածության և փաստաթղթերի կեղծ ձևակերպման դեմ պայքարում։
Ինչպես հետևում է այն փաստաթղթերից, որոնց ծանոթացել է «ՌԻԱ Նովոստի»-ն, Ռուսաստանում աշխատող օտարերկրյա քաղաքացու համար կսահմանվի իր հետ երկիր տեղափոխված ընտանիքի անդամներին կենսապահովման նվազագույնից ոչ ցածր մակարդակով (բազմապատկած տարածաշրջանային գործակցով) ապահովելու պարտականությունը։ Պահանջների չպահպանումը կարող է հանգեցնել ժամանակավոր կացության թույլտվության կամ կացության կարգավիճակի չեղարկմանը։