Ռուսաստանում կոռուպցիոն հանցագործությունների թիվը 2025 թվականին աճել է 12,3%-ով, գլխավոր դատախազության կոլեգիայի ընդլայնված նիստում հայտարարել է Ռուսաստանի նախագահ Վլադիմիր Պուտինը, հաղորդում է РИА Новости-ն։
«Կոռուպցիոն հանցագործությունների թիվն անցյալ տարի աճել է 12,3%-ով»,- նշել է Պուտինը։
Ռուսաստանի նախագահը գլխավոր դատախազությանը կոչ է արել վերահսկել պետական պաշտպանության գնումների և պաշտպանական արդյունաբերության ընդլայնման համար հատկացված միջոցները։
Միևնույն ժամանակ, Պուտինը գերատեսչությանը հանձնարարել է «կոշտ արձագանքել Ռուսաստանի Դաշնությունում սոցիալ-քաղաքական իրավիճակն անկայունացնելու փորձերին, ներառյալ՝ տեղեկատվական տեխնոլոգիաների կիրառման միջոցով»։