Ռուսական դրոշի ներքո նավարկող Arhimeda սուպերլցանավը ապրիլի 9-ի ուշ երեկոյան անցել է Հորմուզի նեղուցով՝ դեպի Պարսից ծոց ուղղություն վերցնելով, տեղեկացրել է Bloomberg-ը։ Նավը դատարկ էր, նրա նախկին նպատակակետը նշված էր որպես Իրանի գլխավոր նավթային հանգույց՝ Խարգ կղզի, բայց հետո փոխել է իր կարգավիճակը՝ դառնալով նավ «for orders», ինչը սովորաբար նշանակում է, որ նավը չունի հստակ հրահանգներ հաջորդ կանգառի համար։
Arhimeda-ն փոխել է դրոշը հունվարին՝ ԱՄՆ-ի կողմից Վենեսուելայի շրջափակման ժամանակ, երբ «ստվերային նավատորմի» մի շարք նավեր սկսել են պաշտպանություն փնտրել ռուսական դրոշի ներքո։ Լցանավի վերջին հայտնի բեռը վենեսուելական Merey նավթն էր 2025թ․ օգոստոսին։ Նույն թվականի հուլիսին ԱՄՆ-ը պատժամիջոցներ կիրառեց նավի նկատմամբ, որը նախկինում կոչվում էր Vizuri, իրանական նավթային առեւտրի հետ ենթադրյալ կապերի համար։