Սպիտակ տան հաղորդակցությունների գծով տնօրեն Սթիվեն Չունգը հրապարակել է ԱՄՆ պետքարտուղար Մարկո Ռուբիոյի լուսանկարը, որում վերջինս նույնպիսի մարզահագուստով է, ինչպիսին Վենեսուելայի նախագահ Նիկոլաս Մադուրոյի հագին էր տարվա սկզբին Վենեսուելայում ԱՄՆ-ի գործողության ժամանակ:
Նիկոլաս Մադուրո © Photo : Social media of Donald Trump / Truth Social
Չունգի էջում հրապարակված լուսանկարում Ռուբիոն կրում է Nike բրենդի մոխրագույն մարզահագուստ և մուգ մոխրագույն մարզակոշիկներ:
«Քարտուղար Ռուբիոն Air Force One-ում ցուցադրում է Nike Tech «Վենեսուելա» մարզահագուստը»,-գրել է պաշտոնյան:
Թրամփը Air Force One նախագահական ինքնաթիռով Վաշինգտոնից մեկնել է Պեկին, որտեղ, ինչպես սպասվում է, բանակցություններ կվարի Չինաստանի առաջնորդ Սի Ծինփինի հետ:
Հունվարի սկզբին ԱՄՆ նախագահ Դոնալդ Թրամփը Truth Social սոցիալական ցանցում հրապարակել էր գերեվարված և ամերիկյան նավում գտնվող Մադուրոյի լուսանկարը: Վենեսուելայի ղեկավարը կրում էր մոխրագույն մարզահագուստ և սև դիմակ:
Հիշեցնենք՝ 2026 թվականի հունվարի սկզբին ԱՄՆ-ն գործողություն էր իրականացրել, որի ընթացքում Վենեսուելայի մի շարք օբյեկտներ ենթարկվել էին օդային հարձակման, իսկ նախագահ Նիկոլաս Մադուրոն և նրա կինը գերեվարվել ու տեղափոխվել էին Նյու Յորք՝ թմրանյութերի վաճառքի մեղադրանքով դատվելու համար: Դրանից հետո, տարբեր մակարդակներում շփումների ար