Ռուսաստանի նախագահ Վլադիմիր Պուտինի մեկօրյա այցը Պեկին սպասվում է հաջորդ շաբաթվա վերջին՝ մայիսի 20-ին, հայտնել է South China Morning Post-ը՝ հղում կատարելով աղբյուրներին։
Պարբերականի զրուցակիցների խոսքով՝ Պուտինի այցը Չինաստան Մոսկվայի և Պեկինի միջև ընթացիկ շփումների մասն է, ուստի ՌԴ նախագահին դիմավորելու պատվին շքերթ կամ հանդիսավոր ընդունելություն չի սպասվում։
Ինչպես նշել է պարբերականը, սա կլինի առաջին դեպքը, երբ Չինաստանը նույն ամսվա ընթացքում երկկողմ ձևաչափով կընդունի երկու գերտերությունների առաջնորդների, և դա մատնանշում է Պեկինի՝ Ռուսաստանի և ԱՄՆ-ի հետ կապերը կառավարելու ջանքերը։