Մի քանի նավթային ընկերություններ տարհանում են իրենց անձնակազմին Պարսից ծոցի օբյեկտներից, երբ Իրանը զգուշացրել է Սաուդյան Արաբիայում, ԱՄԷ-ում և Կատարում գտնվող նավթագազային օբյեկտներին հարձակվելու իր մտադրության մասին, գրում է Bloomberg-ը։
Bloomberg-ի տվյալներով՝ Saudi Aramco ընկերությունը տարհանվողների թվում է, և անձնակազմը դուրս է բերվում Էլ Ջուբեյլի նավթավերամշակման գործարանից՝ որպես նախազգուշական միջոց։
Ավելի վաղ Իսլամական հեղափոխության պահապանների կորպուսը հայտարարել էր առաջիկա ժամերին մի քանի նավթագազային օբյեկտների վրա հարձակվելու ծրագրերի մասին, երբ ԱՄՆ-ն ու Իսրայելը հարվածներ հասցրին Հարավային Փարս և Ասալույե հանքավայրերում գտնվող իրանական նավթագազային ենթակառուցվածքային օբյեկտներին։ ԻՀՊԿ-ն հայտարարել է, որ հարվածները կուղղվեն Սաուդյան Արաբիայի Էլ Ջուբեյլի նավթամշակման գործարանին, ԱՄԷ-ում գտնվող Ալ Հոսնի գազի հանքավայրին, ինչպես նաև Ռաս Լաֆանի նավթավերամշակման գործարանին և Կատարի Մեսայիդ քաղաքում գտնվող Chevron-ին առնչվող նավթաքիմիական համալիրին։