Իրանի պատասխանը երկրի հարավում ԱՄՆ-ի կողմից նոր հարվածներին կարող է հանգեցնել նավթի գների կտրուկ աճի, հայտարարել է երկրի «Խաթամ ալ-Անբիա» ռազմական հրամանատարության կենտրոնական շտաբի մամուլի խոսնակ Էբրահիմ Զոլֆաղարին։
«Ամերիկյան կառավարությունը բազմիցս ցույց է տվել, որ հասկանում է միայն ուժի լեզուն։ Պատրաստվեք 200 դոլարանոց նավթի», – գրել է նա սոցիալական ցանցերում։
Զոլֆաղարիի խոսքով՝ քանի դեռ Վաշինգտոնը շարունակում է իր «ռազմական արկածախնդրությունները» տարածաշրջանում, համաձայնություն չի լինի։