Վայնոնա Ռայդերը, որը հայտնի է «Շատ տարօրինակ բաներ» պաշտամունքային սերիալում Ջոյս Բայերսի դերով, կմիանա «Wednesday» սերիալի երրորդ եթերաշրջանին։
Ռայդերը պատրաստվում է հայտնվել որպես հատուկ հյուր՝ վերամիավորվելով ռեժիսոր և պրոդյուսեր Թիմ Բարթոնի և Ջեննա Օրտեգայի հետ, որը խաղում է Վենսդեյ Ադամսի գլխավոր դերը։
Վայնոնան կհայտնվի մի քանի սերիաներում, և նախկինում հայտարարված նոր դերասանական կազմի անդամների թվում է Եվա Գրինը, որը կմարմնավորի Մորտիսիա Ադամսի քրոջը՝ Օֆելյային։
Ռայդերն ինքը կմարմնավորի Տաբիթային։ Սա բացահայտվել է երրորդ եթերաշրջանի նկարահանումների մեկնարկը հայտարարող տեսանյութում, որտեղ սեղանի վրա ցուցանակներ էին տեղադրված նոր և վերադարձող կերպարների անուններով։ Յուրաքանչյուր ցուցանակի վրա «B» տառը բացահայտում է Տաբիթայի կապը երեք այլ նոր կերպարների հետ՝ Սայրուս (Նոա Թեյլոր), Ատիկուս (Օսկար Մորգան) և Դեյզի (Քենդի Մոյեր)։