Իրանի գերագույն առաջնորդ Մոջթաբա Խամենեին շարունակում է կարևոր դեր խաղալ ռազմական մարտավարության ձևավորման գործում, չնայած ԱՄՆ-Իսրայել ռազմական գործողության սկզբնական օրերին ստացած վնասվածքներին, հաղորդում է CNN-ը ։
«ԱՄՆ հետախուզությունը կարծում է, որ Իրանի նոր գերագույն առաջնորդը վճռորոշ դեր է խաղում ռազմական մարտավարության ձևավորման գործում՝ իրանցի բարձրաստիճան պաշտոնյաների հետ միասին», – ասվում է հրատարակության մեջ։
Հետախուզական զեկույցները ենթադրում են, որ Խամենեին, հավանաբար, օգնում է ուղղորդել Թեհրանի և Վաշինգտոնի միջև պատերազմը դադարեցնելու բանակցությունները։
CNN-ը նշում է, որ ԱՄՆ հետախուզությունը չի կարող տեսողականորեն հաստատել նրա գտնվելու վայրը։ Մի աղբյուր նշել է, որ անորոշությունը մասամբ պայմանավորված է նրանով, որ Խամենեին չի օգտագործում որևէ էլեկտրոնային հաղորդակցության միջոց, շփվելով միայն նրանց հետ, ովքեր կարող են անձամբ այցելել նրան կամ հաղորդագրություններ ուղարկել առաքիչի միջոցով։
Հեռուստաալիքի աղբյուրների փոխանցմամբ՝ Խամենեին շարունակում է մեկուսացված մնալ վնասվածքների, այդ թվում՝ մարմնի մի կողմի ծանր այրվածքների պատճառով։