Հռոմի պապ Լևոն XIV-ը դատապարտել է արհեստական բանականության (ԱԲ) արագ աճը խթանող «իշխանության մշակույթը»՝ զգուշացնելով, որ այն պետք է ենթարկվի խիստ էթիկական սահմանափակումների։
Նոր փաստաթղթում նա նշել է, որ AI-ն արդեն ներթափանցում է աշխատանքի, հասարակության ու պատերազմի ոլորտներ և կարող է նպաստել պատերազմի «նորմալացմանը»։ Պապը նաև ներողություն է խնդրել Կաթոլիկ եկեղեցու կողմից ստրկության ուշ դատապարտման համար՝ այն անվանելով «վերք քրիստոնեական հիշողության մեջ», և խոսել է թվային տնտեսության մեջ առաջացող «ստրկության նոր ձևերի» մասին։
Փաստաթղթում ընդգծվում է, որ AI-ի կիրառումը ռազմական ոլորտում պետք է խիստ վերահսկվի, քանի որ որոշ ինքնավար համակարգեր կարող են դուրս մնալ մարդու վերահսկողությունից։ Լևոն պապը կոչ է արել արհեստական բանականությունը ծառայեցնել մարդուն, այլ ոչ թե մրցակցային կամ ուժային նպատակներին։