Իրանը և ԱՄՆ-ը Ժնևում համաձայնության են եկել միջուկային վեճի կարգավորման հիմնական «ուղենիշների» շուրջ, սակայն դա դեռ չի նշանակում, որ համաձայնագիրն առաջիկայում կկնքվի, հայտարարել է Իրանի արտգործնախարար Աբբաս Արաղչին։
Արագչիի մեկնաբանություններից հետո նավթի ֆյուչերսները նվազել են, իսկ հիմնական Բրենթի պայմանագիրը ընկել է ավելի քան 1%-ով։ Այս հայտարարությունները մեղմացրել են տարածաշրջանում հակամարտության վախերը, որտեղ ԱՄՆ-ը ռազմածովային ուժեր է կենտրոնացրել՝ Իրանին զիջումների հասնելու համար։
«Տարբեր գաղափարներ են առաջ քաշվել, դրանք լուրջ քննարկվել են, և վերջնական հաշվով մենք կարողացել ենք ընդհանուր համաձայնության գալ որոշ ուղենիշների շուրջ», – ասել է Արաղչին Ժնևի բանակցություններից հետո Իրանի լրատվամիջոցներին։