25-ամյա Ռիանոն Էվանսը մեղավոր է ճանաչվել Մեծ Բրիտանիայի առաջին «կիբերֆարտի» գործով։
Հետաքննիչների խոսքով՝ Էվանսը բազմիցս իր հեռախոսի տեսախցիկով՝ գազոր բաց թողնելու տեսանյութեր է ուղարկել ընկերոջ նախկին ընկերուհուն՝ Դեբորա Փրիթչըրչին։
Այս վարքագիծը, որն այժմ պաշտոնապես դասակարգվում է որպես «կիբերֆարտ», մեղադրողների կողմից որակվել է՝ որպես «անպարկեշտ կամ խիստ վիրավորական»։
Ըստ տեղեկությունների՝ Էվանսը առնվազն ութ նման տեսանյութ է ուղարկել 2024 թվականի Սուրբ Ծննդյան և Նոր տարվա տոների ընթացքում։ Որոշ տեսանյութերում նա ժպտում է տեսախցիկին՝ գազեր բաց թողնելիս։ Տեսանյութերի ստացողը նշել է, որ այդ տարօրինակ տեսանյութերը սթրես և անհանգստություն են առաջացրել իր մոտ։
Չնայած Էվանսի փաստաբանը պնդել է, որ նա տեսանյութն ուղարկել է «առանց չարամիտ մտադրության», Էվանսը, այնուամենայնիվ, դատապարտվել է 12 ամսվա համայնքային կալանքի և գրեթե 300 ֆունտ ստեռլինգ տուգանքի։ Նրան նաև երկու տարվա արգելող հրաման է տրվել՝ զոհի հետ շփումը կանխելու համար, ով իր տարօրինակ «խոշտանգումների» թիրախն էր եղել։
Պատիժը դրանով չի ավարտվել. Էվանսին նաև հրամայվել է անցնել 15 վերականգնողական սեանս և 60 օր զերծ մնալ ալկոհոլից: Պաշտպանությունը պնդում էր, որ գործողությունները պայմանավորված էին անձնական լարվածությամբ և ալկոհոլի օգտագործմամբ։
Այնուամենայնիվ, մեղադրողները մերժեցին այս փաստարկը՝ գործողությունները համարելով դիտավորյալ: «Կիբերֆարտինգը» պաշտոնապես դասակարգվում է որպես ոտնձգության մի ձև։
2019 թվականին գազեր բաց թողնելն արդեն դատական հայցի առարկա էր. Ավստրալիայում մի աշխատակից պնդում էր, որ իր նախկին ղեկավարը բազմիցս «օրական հինգ կամ վեց անգամ ֆարտինգ էր անում»՝ իրեն «զգալի սթրես» պատճառելով։