Թեհրանի որոշումների կայացման շրջանակներն ամփոփում են մի շարք զեկույցներ, որոնք վկայում են այն մասին, որ ԱՄԷ-ն նշանակալի դեր է խաղացել ինչպես պատերազմի մեկնարկի, այնպես էլ դրա շարունակման հարցում։ Այս կապակցությամբ մտադիր են վերջ դնել այդ երկրի նկատմամբ շաբաթներ տևած զսպվածությանը, գրում է Pars Today-ը։
Ինչպես նշում է լրատվամիջոցը, բազմաթիվ տեղեկություններ կան այն մասին, որ բացի ԱՄԷ-ի տարածքում գտնվող ԱՄՆ բանակի զորանոցներից և մասնագիտացված բազաներից (որոնք հարվածների են ենթարկվել Իրանի պաշտպանական գործողությունների ընթացքում) էմիրաթական կողմը Միացյալ Նահանգներին է տրամադրել նաև իր առանձին ավիաբազաները՝ Իրանի դեմ հարձակումներում օգտագործելու համար։
«Որոշ վերլուծաբաններ կարծում են, որ ԱՄԷ-ն Իսրայելի հենակետն է տարածաշրջանում, և որ Օմանի ու որոշ այլ երկրների դեմ «օտար դրոշի ներքո» իրականացված մի շարք գործողություններ իրականացվել են հենց այս երկրի կողմից»։
Իրանի հակառակորդների հետ ԱՄԷ-ի համագործակցության այլ ձևերի թվում նշվում է նաև նրանց թիրախների բանկի համալրումը՝ օգտագործելով այդ երկրի տարածքում ստեղծված արհեստական բանականության ենթակառուցվածքները։
Բացի այդ, հաշվի առնելով այն հանգամանքը, որ իրանական մոտորանավակները և մասնավոր նավերը, ինչպես նաև մեր առափնյա որոշ հատվածները հարվածների են ենթարկվել հենց այդ շեյխության տարածքներից, ապա Իրանի կոշտ պատասխանը «ճանապարհին է», – նշում է իրանական լրատվամիջոցը։