Ապրիլի 13-ին ԱՄՆ-ի կողմից Իրանի ծովային շրջափակումը պաշտոնապես սկսվեց, երբ խաղաղության բանակցություններն ավարտվեցին առանց համաձայնագրի, և Թրամփը սպառնաց հարվածել շրջափակման գոտուն մոտեցող ցանկացած իրանական նավի:
Ըստ բարձրաստիճան պաշտոնյայի՝ գործողությանն աջակցելու համար տեղակայվել է ավելի քան 15 ամերիկյան ռազմանավ, գրում է The Wall Street Journal-ը:
Ավելի վաղ Իրանը հայտարարել էր, որ Պարսից ծոցի կամ Օմանի ծովի ոչ մի նավահանգիստ անվտանգ չի լինի, եթե իր նավահանգիստները սպառնալիքի տակ լինեն: Իրանի Իսլամական հեղափոխության պահապանների կորպուսի ռազմածովային ուժերը հայտարարել էին, որ Հորմուզի նեղուցին ռազմանավերի ցանկացած մոտեցում հրադադարի խախտում կհամարվի:
Պակիստանի վարչապետ Շարիֆը հայտարարել է, որ երկշաբաթյա հրադադարը դեռևս ուժի մեջ է, և որ ջանքեր են գործադրվում ԱՄՆ-ի և Իրանի միջև առկա չկարգավորված հարցերը լուծելու համար, երբ բանակցությունները ավարտվեցին առանց համաձայնագրի:
Մեծ Բրիտանիան և Ֆրանսիան հայտարարել են, որ չեն մասնակցի շրջափակմանը: