Իսլամական հեղափոխության պահապանների կորպուսը (ԻՀՊԿ) կիրակի սկսել է «Ճշմարիտ խոստում – 4» գործողության հարձակումների 53-րդ ալիքը՝ թիրախավորելով Իսրայելի տարածաշրջանային հրամանատարական կենտրոնները. հայտնում է Tasnim-ը։
Ըստ ԻՀՊԿ-ի, այս վերջին ալիքն իրականացվել է ի հիշատակ Իրանի ռազմածովային ուժերի Dena էսմինեցի 84 զոհերի, որը մարտի 4-ին Շրի Լանկայի ափերի մոտ ենթարկվել էր ԱՄՆ ռազմածովային ուժերի տորպեդային հարձակմանը:
Կիրակի օրվա գործողությունը ներառել է համակցված հարված՝ 10 «Ֆաթահ» և «Քադր» հիպերձայնային հրթիռների, ինչպես նաև կործանիչ անօդաչուների կիրառմամբ։ Դրանք ուղղված են եղել Ալ Դաֆրա բազայում տեղակայված ԱՄՆ ուժերի դեմ, որոնք հետախուզական տվյալներ և աջակցություն էին տրամադրում Իրանի վրա հարձակումների ժամանակ։
ԻՀՊԿ-ն հարվածներ է հասցրել նաև Իսրայելի տարածաշրջանային հրամանատարական կենտրոններին և ներքին ճակատի կառավարման կենտրոնին:
ԻՀՊԿ-ն հայտարարել է, որ ամերիկյան և իսրայելական թիրախների, կենտրոնների ու շահերի դեմ այս տևական և հզոր հարձակումները կշարունակվեն այնքան ժամանակ, «մինչև ագրեսորները ստիպված լինեն հանձնվել և պատիժ կրել»։