Իրանի ԻՀՊԿ-ն հայտարարել է, որ վերջին ժամերի ընթացքում տարբեր լրատվական գործակալություններ հաղորդել են Պարսից ծոցի հարավային ափին գտնվող մի քանի երկրներում տեղակայված թիրախների դեմ անօդաչու թռչող սարքերի և հրթիռային հարվածների մասին, հաղորդում է Pars Today-ը։
Հաղորդվում է, որ Իրանի Իսլամական Հանրապետության զինված ուժերը հրադադարի ընթացքում որևէ երկրի դեմ հրթիռներ չեն արձակել։
«Եթե լրատվամիջոցների հաղորդագրությունները ճիշտ են, ուրեմն դա, անկասկած, սիոնիստական թշնամու կամ Միացյալ Նահանգների ձեռքի գործն է։
Իրանի Իսլամական Հանրապետության զինված ուժերը, եթե նրանք որևէ թիրախի հարվածեն, դրա մասին կհայտարարեն պաշտոնական հայտարարությամբ՝ լիակատար թափանցիկությամբ, և Իրանի Իսլամական Հանրապետության հայտարարություններում չնշված ցանկացած գործողություն մեզ հետ որևէ առնչություն չունի»,- ասվում է ԻՀՊԿ-ի հայտարարության մեջ։