ԱՄՆ ռազմածովային ուժերի ամենաթանկ նավը, որի արժեքը գնահատվում է 13 միլիարդ դոլար, Իրանի ափերի մոտ հնարավոր գործողության համար տարածք ժամանելուց անմիջապես հետո արտակարգ իրավիճակի է հանդիպել: Ըստ Daily Mail-ի՝ միջուկային շարժիչով USS Gerald R. Ford ավիակիրի կոյուղու համակարգը խափանվել է։
Նավի վրա ավելի քան 4600 մարդ կա: Աշխատող զուգարանները քիչ են, սպասման ժամանակը հասնում է 45 րոպեի, ինչը զգալիորեն բարդացնում է անձնակազմի աշխատանքը: Նավաստիները պայքարում են նավը գործունակ պահելու համար, բայց նրանք չեն կարողանում շտկել խնդիրը ծովում. նավը պետք է կառամատույց հասնի։
Այս միջադեպի ֆոնին Վաշինգտոնը շարունակում է քննարկել իրանական թիրախների դեմ հնարավոր հարվածները: Սակայն, պատերազմը, կարծես, հետաձգվում է ամենաանսպասելի պատճառով։ Նավատորմի գլխավոր հարվածային նավն այժմ ստիպված է ուղևորվել հունական նավահանգիստ՝ վերանորոգման համար: