Pars Today-ը հաղորդում է, որ Բահրեյնում գտնվող այն հյուրանոցի վրա, որտեղ մնում են ամերիկացի պաշտոնյաներ, ուղղակի հարձակում է իրականացվել։
Լրատվամիջոցների հաղորդագրությունների համաձայն՝ հարձակման ենթարկված հյուրանոցի շուրջ անվտանգությունը ուժեղացվել է։
Բահրեյնը նաև հայտնել է, որ ահազանգի ազդանշաններ են հնչեցվել, ըստ Al Jazeera-ի։
Հիշեցնենք, որ ԱՄՆ-ն և Իսրայելը փետրվարի 28-ից ի վեր հարձակվում են Իրանի տարածքի վրա՝ պատճառելով ավերածություններ և մարդկային կորուստներ։ Ի պատասխան՝ Իրանը հրթիռային հարվածներ է հասցրել Իսրայելին և տարածաշրջանում գտնվող ԱՄՆ ռազմական բազաներին։ Իսրայելա-ամերիկյան հարձակման ժամանակ զոհվել են նաև Իրանի գերագույն առաջնորդ այաթոլլա Ալի Սեյեդ Խամենեին և այլ բարձրաստիճան պաշտոնյաներ։
Մարտի 2-ին Իսրայելի դեմ պատերազմին միացավ նաև «Հեզբոլլահ»-ը։ Իսրայելը հայտարարեց շարժման դեմ հարձակման մեկնարկի մասին։