Իրանական բանակը և Իսլամական հեղափոխության պահապանների կորպուսը երկրի կենտրոնական և հարավային մասերում խոցել են մի քանի Tomahawk և Jassm թևավոր հրթիռներ, ինչպես նաև մի շարք անօդաչու թռչող սարքեր, հաղորդում է Fars-ը։
«Իրանական ուժերն այսօր առավոտից հարվածներ են հասցրել Հայֆայի «Ռաֆայել» զենքի գործարաններին և Բեն Գուրիոն օդանավակայանի մոտակայքում տեղակայված ավիատիեզերական օբյեկտներին, ինչպես նաև օդանավակայանում լիցքավորվող ինքնաթիռներին։
«Հարվածների 78-րդ ալիքի ընթացքում Էյլաթում, Դիմոնայում և Թել Ավիվի հյուսիսում գտնվող թիրախները, ինչպես նաև տարածաշրջանում տեղակայված մի քանի ամերիկյան ռազմական բազաներ հարված են ստացել «Էմադ» և «Ղադր» բազմագլխիկ ճշգրիտ կառավարվող համակարգերով, ինչպես նաև հարձակողական անօդաչու թռչող սարքերով։
Հարվածների 79-րդ ալիքը հաջողությամբ թափանցել է Իսրայելի ռեժիմի բազմաշերտ պաշտպանությունը։ «Սաջիլ», «Էմադ» և «Խայբեր Շական» հզոր հրթիռները, ինչպես նաև հարձակողական անօդաչու թռչող սարքերը արձակվել են Իսրայելի հյուսիսային մասի, Թել Ավիվի, Ռամատ Գանի և Նեգևի ռեժիմի բանակի աջակցության կենտրոնների, ինչպես նաև Բեեր Շևայի ռեժիմի հարավային գլխավոր լոգիստիկ և ռազմական հրամանատարական կենտրոնի վրա։
Օկուպացված տարածքներում ծխի և կրակի խիտ սյուները, ինչպես նաև ավելի քան 2 միլիոն սիոնիստների երկարատև փակումը ապաստարաններում, անհերքելի ապացույցներ են Իրանի հրթիռային և անօդաչու թռչող սարքերի կարողությունների մասին և վկայում են թշնամու պաշտպանությանը հասցված լուրջ հարվածների մասին։
Ամերիկյան բազաների ու Իսրայելի ռազմական կենտրոնների վրա Իրանի արդյունավետ հարձակումների մասին լուրերի Պենտագոնի և Իսրայելի պաշտպանության բանակի գրաքննությունը ցույց է տալիս նրանց վախերի խորությունը և իրականությունը թաքցնելու ու խեղաթյուրելու փորձը»,- նշում է պարբերականը: