Երեկ Իրանը որոշել է գնդակոծել Հորմուզի նեղուցը, ինչը մեր հրադադարի համաձայնագրի լիակատար խախտում է, Truth Social սոցիալական ցանցում գրել է ԱՄՆ նախագահ Դոնալդ Թրամփը։
Ըստ նրա, «դրանցից շատերն ուղղված էին ֆրանսիական մի նավի և Միացյալ Թագավորության բեռնատար նավի դեմ»։
«Դա տգեղ էր, այնպես չէ՞։ Իմ ներկայացուցիչները մեկնում են Իսլամաբադ (Պակիստան). նրանք այնտեղ կլինեն վաղը երեկոյան՝ բանակցությունների համար։ Իրանը վերջերս հայտարարեց, որ փակում է նեղուցը, ինչը տարօրինակ է, քանի որ մեր ՇՐՋԱՓԱԿՈՒՄՆ արդեն փակել էր այն։
Նրանք օգնում են մեզ՝ առանց այդ մասին կասկածելու, և հենց նրանք են անցման փակման պատճառով օրական 500 միլիոն դոլար կորցնում։
Միացյալ Նահանգները ոչինչ չի կորցնում։ Իրականում, հենց հիմա բազմաթիվ նավեր ուղղվում են դեպի ԱՄՆ՝ Տեխաս, Լուիզիանա և Ալյասկա՝ բեռնվելու համար, և դա շնորհիվ ԻՀՊԿ-ի, որը միշտ ուզում է «լավ տղա» երևալ։ Մենք առաջարկում ենք շատ արդար և հիմնավորված ԳՈՐԾԱՐՔ, և հույս ունեմ, որ նրանք կհամաձայնեն դրան, որովհետև եթե չանեն, Միացյալ Նահանգները շարքից կհանի Իրանի բոլոր էլեկտրակայաններն ու բոլոր կամուրջները։
ԱՅԼԵՎՍ ՈՉ ՄԻ ԲԱՐԻ ԿԱՄԵՑՈՂՈՒԹՅՈՒՆ։ Նրանք արագ կհանձնվեն, նրանք հեշտ կհանձնվեն, և եթե չհամաձայնեն ԳՈՐԾԱՐՔԻՆ, ինձ համար պատիվ կլինի անել այն, ինչ պետք է արվի, այն, ինչ վերջին 47 տարիներին Իրանի հետ պետք է անեին մյուս նախագահները»,- նշել է Թրամփը։
ԱՄՆ նախագահը հավելել է, որ ժամանակն է «վերջ տալ իրանական սպանությունների մեքենային»։