Իսրայելական բանակը հայտնել է, որ վերջին 24 ժամվա ընթացքում հարձակվել է 65 ռազմական թիրախների վրա և սպանել «Հըզբոլլահի» 20 զինված արմատականների Լիբանանի հարավում:
«Վերջին 24 ժամվա ընթացքում Իսրայելի պաշտպանության ուժերը հարվածել են Լիբանանի հարավային մի քանի շրջաններում գտնվող «Հեզբոլլահ»-ի 65 թիրախների և սպանել «Հեզբոլլահ»-ի 20 ահաբեկիչների», – ասվում է բանակի մամուլի ծառայության հայտարարության մեջ։
Հարձակման ենթարկված թիրախների թվում զինվորականները նշել են «զենքի պահեստներ», «դիտարկման կետեր» և «հրամանատարական կենտրոններ»։