Financial Times-ը՝ հղում անելով աղբյուրներին, հաղորդում է Խաղաղության խորհրդի հետ աշխատող պաշտոնյաները ուսումնասիրում են Գազայի հատվածի համար կայուն մետաղադրամ ստեղծելու հնարավորությունը։
Նրանց խոսքով՝ այս հարցի շուրջ բանակցությունները նախնական փուլում են, և նման կրիպտոարժույթի ներդրման վերաբերյալ շատ մանրամասներ դեռ պետք է որոշվեն։
Թերթի աղբյուրներից մեկը նշել է, որ կայուն մետաղադրամը, ենթադրաբար, կապված կլինի ԱՄՆ դոլարի հետ, և դրա ստեղծմանը կմասնակցեն Պարսից ծոցի և Պաղեստինի պետությունների ընկերությունները։
«Դա չի լինի Գազայի մետաղադրամ կամ նոր պաղեստինյան արժույթ, այլ Գազայի բնակիչների համար թվային գործարքներ կատարելու միջոց», – ասել է աղբյուրներից մեկը։
Ինչպես նշում է FT-ն, Գազայի հատվածի տնտեսական գործունեությունը փլուզվել է Իսրայելի և ՀԱՄԱՍ ահաբեկչական խմբավորման միջև երկամյա պատերազմի ընթացքում, այդ թվում՝ լուրջ վնաս է հասցվել ավանդական բանկային և վճարային համակարգերին։