ԱՄՆ նախագահ Դոնալդ Թրամփը թույլատրել է ոչնչացնել Իրանի աղազրկման կայաններն ու էլեկտրակայանները։ Նա այս մասին հայտարարել է Fox News-ին տված հարցազրույցում։
Նա պնդել է, որ ԱՄՆ զինված ուժերը գործնականում սպառել են հարվածելու համար նախատեսված թիրախները, բայց նաև ասել, որ Իրանը դեռևս ունի հրթիռների արտադրության որոշ օբյեկտներ։
«Մենք գործնականում ոչնչացրել ենք նրանց ամբողջ երկիրը։ Ըստ էության, միակ բանը, որ մնացել է, նրանց ջուրն է, և դրան հարվածելը կլինի ավերիչ։ Ես չէի ցանկանա դա անել, բայց մնացել է նրանց ջուրնը, նրանց աղազրկման կայանները, նրանց էլեկտրակայանները, որոնց շատ հեշտ է հարվածել», – նշել է ամերիկացի առաջնորդը։