ԱՄՆ նախագահ Դոնալդ Թրամփը մտադիր է Չինաստանի նախագահ Սի Ծինփինի հետ քննարկել առևտրի, էներգետիկայի և Իրանի շուրջ ստեղծված իրավիճակը Չինաստան կատարելիք այցի ընթացքում, հայտարարել է ԱՄՆ արարողակարգի ղեկավար Մոնիկա Քրոուլին։
Թրամփը մայիսի 14-15-ը կայցելի Պեկին Սի Ծինփինի հետ բանակցություններ վարելու համար։ Ամերիկացի առաջնորդի այցը Պեկին սկզբնապես նախատեսված էր մարտի 31-ից ապրիլի 2-ը, սակայն հետաձգվել էր Իրանում ստեղծված իրավիճակի պատճառով։
«Առևտուրը գլխավորում է ցանկը, հետո Իրանը, համաշխարհային նավթի մատակարարումները և էներգետիկ ուղիները», – Breitbart-ին ասել է Քրոուլին։