ԱՄՆ նախագահ Դոնալդ Թրամփի ընտանեկան անշարժ գույքի ընկերությունը մտադիր է տեղական գործընկերների հետ Թբիլիսիում 70-հարկանի էլիտար բնակելի համալիր կառուցել։ Այս մասին տեղեկացնում է The Wall Street Journal-ը։
Սա փաստում է, որ Թրամփի պաշտոնավարման երկրորդ ժամկետում նրա ընտանեկան բիզնեսը վերանայել է արտասահմանյան շուկաներում իր գործունեության մոդելը։
Trump Organization ընկերությունը և նրա գործընկերները մտադիր են կառուցել «Trump Tower Tbilisi»-ն, որը կդառնա Վրաստանի մայրաքաղաքի ամենաբարձր շենքը։