Թուրքիայի՝ Հայաստանի հետ հարաբերությունների կարգավորման հարցերով հատուկ ներկայացուցիչ Սերդար Քըլըչը կմասնակցի «Երևանյան երկխոսություն — 2026» միջազգային համաժողովին։
Այս տեղեկությունը հրապարակվել է միջազգային համաժողովի օրակարգում։
Ըստ օրակարգի, մայիսի 5-ին Քըլըչը կմասնակցի «Հարավային Կովկասը բեկումնային փուլում. խաղաղության և համագործակցության հեռանկարները» թեմատիկ քննարկմանը։
Այս քննարկման բանախոսներ, բացի Թուրքիայի հատուկ ներկայացուցչից, կլինեն նաև Հայաստանի Ազգային ժողովի փոխնախագահ Ռուբեն Ռուբինյանը, ԵՄ-ի՝ Հարավային Կովկասի և Վրաստանի ճգնաժամի հարցերով հատուկ ներկայացուցիչ Մագդալենա Գրոնոն, Վրաստանի ԱԳՆ փոխղեկավար Լաշա Դարսալիան, ինչպես նաև Ադրբեջանի ներկայացուցիչ, «Թոփչուբաշով կենտրոնի» տնօրեն Ռուսիֆ Հուսեյնովը։