Բրիտանական Daily Mail թերթի տվյալներով՝ վերջին շաբաթվա ընթացքում Երկրի վրա ուժեղացել են ականջների զնգոց և անքնություն առաջացնող տատանումները։
«Երկրի «բզզոցով» տատանումները ուժեղանում են ավելի քան մեկ շաբաթ, ինչը որոշ մարդկանց դրդում է հայտնել, որ այս երևույթը խանգարում է իրենց քունը և առաջացնում ականջներում զնգոց», – նշվում է հրապարակման մեջ։
Հրապարակման հեղինակները գրում են, որ սա «Շումանի ռեզոնանս» անունով հայտնի երևույթ է։ Դա կայուն էլեկտրամագնիսական ռիթմ է, որն առաջանում է մոլորակի մակերևույթի և իոնոսֆերայի միջև կայծակի անդրադարձման հետևանքով։
Գիտնականները կարծում են, որ մագնիսական փոթորիկները և արեգակնային բռնկումները ազդում են Երկրի տատանումների վրա, որոնք կարող են ուժեղացնել ազդեցությունը՝ կախված դրանց դասակարգումից։