ՈւՎԲ-76 (УВБ-76) կարճալիք ռադիոկայանը, որը հայտնի է որպես «Դատաստանի օրվա ռադիո», փետրվարի 26-ին օրվա մեջ երկրորդ անգամ եթեր է դուրս եկել նոր հաղորդագրությամբ։ Այս մասին հայտնել է «ՈւՎԲ-76 լոգի» Telegram-ալիքը, որը հետևում է կայանի ակտիվությանը։
Ալիքի տվյալներով՝ Մոսկվայի ժամանակով ժամը 13:55-ին եթերում հնչել է հետևյալ հաջորդականությունը. «26.02.26 13:55 ՄՍԿ ՆԺՏԻ 43482 ՆԵՆԳ 1501 1442»:
Նույն օրը՝ Մոսկվայի ժամանակով 12:32-ին, կայանը հաղորդել էր մեկ այլ հաղորդագրություն՝ «Նայնոստյագ» բառով։
Փետրվարի 11-ին ՈւՎԲ-76-ի եթերում հաղորդագրությունների թիվը մեկ օրում հասել է 23-ի, ինչը դարձել է այս տարվա ռեկորդային ցուցանիշը։ Անցյալ տարվա փետրվարի 12-ին ռադիոկայանը հաղորդել էր 25 հաղորդագրություն, իսկ հունիսի 25-ին՝ 24 ուղերձ։
ՈւՎԲ-76-ը գործում է 1970-ականների վերջից։ Սովորական ռեժիմում այն հեռարձակում է անընդհատ բզզացող ազդանշան, ինչի համար ստացել է «Ժուժալկա» մականունը։ Ռադիոսիրողները և հետազոտողները կայանը կապում են կապի փակ համակարգի հետ, որը, ենթադրաբար, ստեղծվել է ԽՍՀՄ-ում Սառը պատերազմի ժամանակաշրջանում և շարունակում է իր աշխատանքը ներկայումս։