Բունդեսթագի պաշտպանության հանձնաժողովի նախագահ Թոմաս Ռևկամպը՝ «Քրիստոնեա-դեմոկրատական միություն» կուսակցությունից, ԱՄՆ-ի՝ Գերմանիայից զորքերը դուրս բերելու որոշումը անվանել է «տագնապալի ազդանշան», հաղորդում է Inbox.eu-ն։
Միևնույն ժամանակ Ռևկամպը նշել է, որ ամերիկացի զինվորների նման քանակի դուրսբերումը «խուճապի պատճառ չէ»։
Քաղաքական գործիչը նաև քննադատել է ԱՄՆ նախագահ Դոնալդ Թրամփի քաղաքականությունը։
«Անվտանգության ոլորտում գործընկերությունը գործարք չէ, իսկ ՆԱՏՕ-ն շուկա չէ։ Ամերիկայի նախագահի մշտական սադրանքներն անընդունելի են», – ասել է նա։
Ավելի վաղ Պենտագոնում հաստատել էին Գերմանիայում գտնվող ռազմական բազաներից 5 000 զինծառայողի դուրսբերման մասին տեղեկությունը։ Գերատեսչությունում այս որոշումը բացատրել էին որպես պատասխան «հակաարդյունավետ հայտարարություններին»։
Ավելի վաղ ԳՖՀ կանցլեր Օլաֆ Մերցը հայտարարել էր, որ Իրանը «նվաստացրել է» ԱՄՆ-ին։
Սա առաջացրել է ԱՄՆ նախագահ Դոնալդ Թրամփի կտրուկ արձագանքը։