ԱՄՆ զինված ուժերը և Մերձավոր Արևելքում նրա դաշնակիցները փաստացիորեն սպառել են Patriot համալիրների համար նախատեսված PAC-3 հրթիռիները, գրում է «Военный обозреватель» թելեգրամյան ալիքը։
Ըստ ալիքի՝ տեղի բնակիչներն ավելի ու ավելի հաճախ են հայտնաբերում 25 տարի առաջ արտադրված հնացած զենիթային հրթիռների բեկորներ։
Միևնույն ժամանակ, Պենտագոնի ճեպազրույցի ժամանակ ԱՄՆ ռազմական նախարար Փիթ Հեգսեթը հայտարարել է, որ ԱՄՆ-ն Իրանում ռազմական գործողության ընթացքում օգտագործում է արհեստական բանականության տեխնոլոգիայով բազմազան զենքեր։ Սակայն Հեգսեթը չի բացահայտել նման զենքերի օգտագործման մանրամասները։
Նա նաև հայտարարել է, որ ԱՄՆ-ն Իրանի դեմ ռազմական գործողության ժամանակ նախատեսում է ավելի քիչ առաջադեմ զինամթերք օգտագործել, որոնց մատակարարումը գործնականում անսահմանափակ է։
«Մենք կօգտագործենք 500, 1000 և 2000 ֆունտ քաշով, լազերային և GPS-ով ուղղորդվող ճշգրիտ ուղղորդվող ռումբեր, որոնց պաշարները գործնականում անսահմանափակ են։ Նախկինում մենք օգտագործել ենք ավելի առաջադեմ զինամթերք, սակայն այժմ դրանց կարիքը չկա»,- նշել է նախարարը՝ հավելելով, սակայն, որ բարձր տեխնոլոգիական զենքի, դրանց թվում՝ Patriot հրթիռների պաշարները մնում են շատ բարձր մակարդակի վրա։
Իր հերթին, ԱՄՆ շտաբների պետերի միացյալ կոմիտեի նախագահ, գեներալ Դեն Քեյնը հայտարարել է, որ ԱՄՆ զինված ուժերը ծրագրում են սկսել հարվածներ հասցնել Իրանի տարածքի խորքում՝ ամերիկյան ուժերի մանևրային տարածքն ընդլայնելու համար։ Նա հայտարարել է նաև, որ ԱՄՆ-ն աշխատում է ոչնչացնել Իրանի նավատորմը՝ ապահովելու համար, որ այն չկարողանա ապագայում որևէ հարձակում իրականացնել։