ԱՄՆ ռազմածովային ուժերի ոչ մի նավ հարվածի չի ենթարկվել, հայտնում է ԱՄՆ Կենտրոնական հրամանատարությունը։
Ավելի վաղ իրանական Fars լրատվական գործակալությունը, հղում անելով տեղական աղբյուրներին, հայտնել էր, որ երկու հրթիռ խոցել է ԱՄՆ ռազմածովային ուժերի նավը Ջասկ կղզու մոտ այն բանից հետո, երբ նավը անտեսել է Իսլամական հեղափոխության պահապանների կորպուսի՝ կանգ առնելու պահանջով նախազգուշացումները։
Հարձակման մասին հաղորդագրությունները հայտնվել են այն բանից հետո, երբ նախագահ Թրամփը հայտարարել է, որ երկուշաբթի օրը ԱՄՆ-ն կսկսի «Ազատության նախագիծ» (Project Freedom) գործողությունը, որի նպատակն է Հորմուզի նեղուցում արգելափակված նավերի «ուղեկցումը»։
ԱՄՆ-ի կենտրոնական հրամանատարությունը հայտարարել է, որ այս գործողությանը կաջակցի 15 000 զինծառայողով, ցամաքային և ծովային բազավորման ավելի քան 100 միավոր ավիացիայով, ինչպես նաև ռազմական նավերով և անօդաչու սարքերով։