ԱՄՆ Պետդեպարտամենտը հրապարակել է նախազգուշացում՝ կոչ անելով ԱՄՆ քաղաքացիներին անհապաղ լքել Մերձավոր Արևելքի մի շարք երկրներ և տարածքներ։
«Անվտանգության լուրջ ռիսկերի պատճառով անհապաղ լքեք նշված երկրները՝ առևտրային փոխադրամիջոցների միջոցով», — նշվում է հաղորդագրությունում։
Ցանկում ընդգրկված են Բահրեյնը, Եգիպտոսը, Իրանը, Իրաքը, Իսրայելը, Հորդանան գետի արևմտյան ափը և Գազայի հատվածը, Հորդանանը, Քուվեյթը, Լիբանանը, Օմանը, Կատարը, Սաուդյան Արաբիան, Սիրիան, Արաբական Միացյալ Էմիրությունները և Եմենը։
Շաբաթ օրը ԱՄՆ-ը և Իսրայելը համատեղ ռազմական գործողություն են սկսել Իրանի դեմ։ Ի պատասխան՝ Իրանը հարվածներ է հասցրել մի շարք Պարսից ծոցի երկրների և Մերձավոր Արևելքի տարածաշրջանում գտնվող ամերիկյան ռազմական օբյեկտներին։
Մերձավոր Արևելքում իրավիճակի սրացումը հանգեցրել է ավիահաղորդակցության լայնածավալ խափանումների։
