Իրանական պատվիրակության հետ Իսլամաբադում բանակցությունների առաջին փուլի ժամանակ ամերիկյան կողմը, ի թիվս այլ բաների, պահանջել է մասնակցել Հորմուզի նեղուցի կառավարմանը: Ինչպես ՏԱՍՍ-ին հայտնել է Թունիսում Իրանի դեսպան Միր Մասուդ Հոսեյնիանը, ամերիկյան կողմի չափազանցված պահանջները ներառում էին նաև հարստացված ուրանի փոխանցումը Միացյալ Նահանգներին:
Դիվանագետը հաստատել է, որ «բանակցությունների ընթացքը որոշակի պահերին դրական էր, և դիրքորոշումները մոտ էին»: Սակայն, ըստ նրա, «ԱՄՆ-ի որոշ պահանջներ, ինչպիսիք են հարստացված ուրանի փոխանցումը Միացյալ Նահանգներին, վեճի առարկա են դարձել»:
«Ավելին, կան տեղեկություններ, որ Հորմուզի նեղուցի կառավարման վերաբերյալ Միացյալ Նահանգները պահանջել է անմիջական մասնակցություն դրա կառավարմանը՝ Օմանի փոխարեն»: Սակայն Թեհրանը հրաժարվել է, քանի որ նեղուցը գտնվում է Իրանի և Օմանի տարածքային ջրերում, և Ամերիկան որևէ կապ չունի դրա հետ», – ընդգծել է դեսպանը՝ պատասխանելով բանակցային գործընթացում կողմերի միջև հիմնական անհամաձայնությունների մասին հարցին: