ԱՄՆ-ի և Իրանի բանակցողները երեքշաբթի առաջընթաց են գրանցել բանակցություններում՝ մոտենալով պատերազմի ավարտի վերաբերյալ շրջանակային համաձայնագրի կնքմանը, Axios-ին հայտնել են երկու ամերիկացի պաշտոնյաներ։
Պատերազմող կողմերը՝ պակիստանցի, եգիպտացի և թուրք միջնորդների օգնությամբ, մինչև ապրիլի 21-ին հրադադարի ժամկետի լրանալը փորձում են հաղթահարել մնացած տարաձայնությունները և համաձայնության գալ։
ԱՄՆ պաշտոնյաներից մեկը հայտնել է, որ նախագահ Թրամփի բանակցային թիմը՝ փոխնախագահ Վենսը, Սպիտակ տան հատուկ բանագնաց Սթիվ Ուիթքոֆը և ավագ խորհրդական Ջարեդ Քուշները, երեքշաբթի շարունակել են հեռախոսազրույցներ ունենալ և նախագծերի առաջարկներ փոխանակել իրանցիների և միջնորդների հետ։
«Մենք ցանկանում ենք համաձայնության գալ։ Եվ նրանց կառավարության մի մասը նույնպես ցանկանում է համաձայնության գալ։ Հիմա խնդիրն այն է, որ համոզենք այդ երկրի ամբողջ կառավարությանը համաձայնության գալ»,- հայտնել է պաշտոնյան։