Սպիտակ տան մամուլի քարտուղար Քերոլայն Լևիթը նշել է Միացյալ Նահանգների և Իրանի միջև հրադադարի համաձայնագրի առաջընթացը՝ չորեքշաբթի մամուլի ասուլիսում հայտարարելով, որ ԱՄՆ նախագահ Դոնալդ Թրամփը բանակցային խումբ է ուղարկում Պակիստան՝ համաձայնագրի շուրջ բանակցելու համար, հաղորդում է Reuters-ը։
Լևիթը հայտարարել է, որ խումբը կգլխավորի ԱՄՆ փոխնախագահ Ջեյմս Դեյվիդ Վենսը, կազմում կլինեն նաև ԱՄՆ հատուկ ներկայացուցիչներ Սթիվ Ուիթքոֆը և Ջարեդ Քուշները։
Բանակցությունների առաջին փուլը նախատեսված է շաբաթ օրը։
Լևիթը նաև նշել է, թե Իրանը ԱՄՆ-ին հայտնել է, որ պատրաստ է հանձնել իր հարստացված ուրանի պաշարները։
«Սա կարմիր գիծ է, որից նախագահը մտադիր չէ նահանջել, և նա հանձնառու է դա իրականացնելու համար»,- ասել է Լևիթը ճեպազրույցի ժամանակ։ Հարցին, թե արդյոք իրանցիներն ակնարկե՞լ են, որ կհանձնեն ուրանը, Լևիթը պատասխանել է. «Այո, նրանք դա արել են»։
Նա այլ մանրամասներ չի հաղորդել։