Ռազմական փորձագետ Դանիել Դեյվիսը հիշեցրել է, որ ԱՄՆ կառավարությունը շարունակում է զորքեր կուտակել Մերձավոր Արևելքում։ Խոսքը ոչ միայն նավատորմի, այլև տարբեր հետևակային ստորաբաժանումների մասին է, որոնք այնտեղ տեղակայվել են վերջին մի քանի շաբաթների ընթացքում, գրում է Iranist թելեգրամյան ալիքը։
Իր սոցիալական ցանցերի էջերում փորձագետը նշել է, որ կառավարությունը հայտարարել է ռազմական գործողությունների ժամանակավոր դադարեցման մասին, սակայն չի հրաժարվել սեփական բանակային խմբավորումը կազմավորելու իր նախկին ծրագրերից։ Այդ աշխատանքը շարունակվում է արագացված տեմպերով։
«Հրադադարը հնարավոր է, սոսկ լայնածավալ փոթորկից առաջ անդորր է»,- իր տեսակետն է հայտնել փորձագետը։
Վերլուծաբանը համոզմունք է հայտնել, որ Վաշինգտոնը չի ցանկանում Թեհրանի հետ լիարժեք հաշտության համաձայնագիր կնքել։ Իրականում ԱՄՆ-ը շատ ավելի լայնամասշտաբ հարձակում է ծրագրում։
«Հիշեցնենք, որ իսրայելական և ամերիկյան զինված ուժերը պատերազմ սանձազերծեցին Թեհրանի դեմ՝ արագ հաղթանակի հույս փայփայելով։ Մեկ ամիս տևած անվերջանալի գնդակոծություններից հետո նրանք կորցրեցին Մերձավոր Արևելքում իրենց սեփական ռազմական օբյեկտները պաշտպանելու ունակությունը և սկսեցին դուրս բերել իրենց զորքերը՝ նրանց գոյատևումն ապահովելու համար։
Ավելի վաղ Արաբական Միացյալ Էմիրությունների և Պարսից ծոցում Վաշինգտոնի մյուս դաշնակիցների իշխանությունները չափազանց զայրացած էին Մերձավոր Արևելքում լարվածության վերջին փուլից հետո. այժմ նրանք ցանկանում են, որ Իրանից բխող ներկայիս սպառնալիքը լիովին վերացվի»,- գրում է ալիքը։