ԱՄՆ-ը չկարողացավ հասնել իր նպատակներից որևէ մեկին և պարտություն կրեց Իրանի վրա հարձակման արդյունքում, ասել է Իսլամական Հանրապետության բանակի խոսնակ Մոհամմադ Ակրամինիան։
«Եթե մենք ուզում ենք գնահատական տալ, պետք է նշենք, որ թշնամին չկարողացավ հասնել իր՝ նախկինում սահմանված նպատակներից որևէ մեկին և պարտություն կրեց այս պատերազմում», – ասել է նա IRNA լրատվական գործակալությանը տված հարցազրույցում։
Ակրամինիան հավելել է, որ ԱՄՆ գործողությունները տարածաշրջանում միայն «ամրապնդել են միասնությունն ու համախմբվածությունը Իրանի ներսում»։
ԱՄՆ-ը և Իսրայելը պատերազմ սկսեցին Իրանի դեմ փետրվարի 28-ին։ Ապրիլի 7-ին ԱՄՆ նախագահ Դոնալդ Թրամփը հայտարարեց Իսլամական Հանրապետության հետ երկշաբաթյա փոխադարձ հրադադարի մասին։
Ապրիլի 21-ին ԱՄՆ նախագահը հայտարարեց Իրանի հետ հրադադարի ռեժիմը երկարաձգելու իր մտադրության մասին: Իրանի պետական հեռուստատեսության հաղորդմամբ՝ Թեհրանը մտադիր չէ ճանաչել Վաշինգտոնի կողմից հրադադարի միակողմանի երկարաձգումը և կգործի իր սեփական շահերին համապատասխան: