Միացյալ Թագավորության ռազմածովային ուժերի ծովային առևտրային գործառնությունների կենտրոնը (UKMTO) հաղորդագրություն է ստացել Միացյալ Արաբական Էմիրությունների տարածքում գտնվող Մինա Սաքր նավահանգստից 14 կմ դեպի արևմուտք տեղի ունեցած միջադեպի մասին:
UKMTO-ն երրորդ կողմից տեղեկություն է ստացել, որ նավի վրա հրդեհ է բռնկվել, և դիմել է մոտակայքի նավերին՝ խնդրելով պահպանել անվտանգ հեռավորություն:
Ըստ հաղորդագրության՝ հրդեհի պատճառն այս պահին պարզված չէ:
Շրջակա միջավայրի վրա ազդեցության մասին տեղեկություններ չեն հաղորդվում:
Իշխանությունները հետաքննություն են անցկացնում: Նավերին խորհուրդ է տրվում զգուշություն ցուցաբերել փոխադրումների ժամանակ և ցանկացած կասկածելի գործողության մասին հայտնել UKMTO-ին: